سابقة هي الأولى من نوعها، أعلن شاب مصري اعتزامه الانتحار بعد 48 ساعة من إنشاء صفحته على موقع التواصل الاجتماعي "فيس بوك" تحت عنوان "أول حادث انتحار في 2011".ويقول الشاب الذي رفض الكشف عن هويته "الاسم مصري ..في البطاقة مصري ..لكن مش حاسس اني مصري ..الحقيقة مش حاسس اني إنسان مش لاقي شغل كويس ولا مرتب كويس ولا عارف أتجوز ولا عارف أعيش واللي باخده من شغلي صفر علي الشمال من اللي باخدة من بيت اهلي ومش عارف اعمل ايه وسنين وانا عالحال دا وغيري كدا كتير وبعدين ".
وأضاف الشاب على صفحته "لن أعيش بعد دخول عام 2011 لقد قررت أن موتي سيجلب الراحة لي ولعائلتي، وبدعائكم لي سيغفر لي الله غلطتي".
وعن فكرة الانتحار يقول الشاب على صفحته التي بلغ عدد أعضائها 7500 "اكتر من سنة والفكرة بتراوضني بس دلوقتي حاسس بتأثير قوي عليا مش عارف جاي منين وأول مرة أحس اني صاحب قرار وعشان كدا مش عاوز حد يحاول ينقذني وبس كل اللي عاوزة اما يحصل ويكذبوا ويقولوا دا انتحر عشان قصة حب تقوللهم لا هو عمل الصفحة دي عشان يكتب فيها الحقيقة ومتوثقة وبيها يمكن حد يخلي عنده دم ويتحرك وعشان تكونوا مطمنيين مش هقول فين بالظبط دا هيحصل وفي كل الأحوال قراري مفهوش رجوع ".
وأكد أنه "سيتناول مخدراً، وبعدها سيحرق نفسه ثم سيلقى بنفسه في نهر النيل"، مشدداً على أن حادثة انتحاره ستكون الأولى في 2011".
وحاول العشرات من أعضاء الصفحة إثناءه عن قرار الانتحار ، واختلفوا حول جدية صاحب الصفحة ، مما جعل البعض يتناول الموضوع بسخرية.
الجدير بالذكر ان أخر مشاركات الشاب المصري على صفحته كانت مساء الجمعة ولم يتثنى التأكد من إقدامه على الانتحار من عدمه .
وقد اثار ربط البعض بين صاحب الصفحة وحادث كنيسة القديسين بالإسكندرية جدلا بين الاعضاء ، بعد ان طرح صاحب الصفحة مساء الجمعة بعض الاسئله التى تشير الى انه سيقدم على عمل خطير ، ومنها عندما طرح سؤالا على الأعضاء " ايه رأيكم اعرض ناس ابريا للخطر ؟ ، سؤالي واضح اعرض ناس ابريا للخطر ولا اموت ؟ اللي هتقولوا عليه هعمله بس اجابة واضحة من غير فلسفة وبسرعه ارجوكم ، والله ما حد فاهم حاجة ، والله ما حد فاهم حاجة ، والله ماحد فاهم حاجة ، والله لو مصر بشعبها فهم ما حد هيقدر يعمل حاجة ، خبر الحادثة بعد ساعاتين بالظبط هتشفوه ، سلام".
وأختتم الشاب كلامه بدعاء قال فيه "يا رب لك الحمد حمداً كثيرا واشهد ان لا اله الله وان محمد رسول الله ، اللهم اغفر لي وارحمني اللهم اغفر لي وارحمني اللهم اغفر لي وارحمني ، اللهم اني مضطر وامل في راحة لي ولأسرتي خفف عني عذاب القبر ، اللهم اني عصيتك فاغفر لي ذنوبي وذلتي وضعفي ، يارب اشهد ان لا اله الا انت ، يارب لا تعذبني ، يارب لا تعذبني ، انت ارحم انت الرحمن يارب ، اللهم اغفر لجميع موتي المسلمين الذين شهدوا لك بالوحدانية وعلي نبيك بالرساله وماتوا علي ذلك ، يارب انصر اخواتنا في كل مكان وانصرنا علي اسرائيل والصهاينة جميعاً وحرر جميع البلاد في القريب ، يارب اصلح حال الشباب وحال مصر وكل الدول العربية والاسلامية ، واهدي الناس جميعا ، يارب اهدي حكومتنا للصالح والخير للبلد وللشباب ولكبار السن ، يارب اشفي المرضي وعافي كل مبتلي يا رب ، يارب اشهد اني احب الله والرسول محمد صلي الله عليه وسلم وكل الانبياء وكل عبادك الصالحين ، يارب اشهد اني مسامح كل انسان غلط في حقي علي مر حياتي".
لا تقرأ وترحل شارك برأيك واثبت وجودك شارك بتعليق و قول رأيك
0 التعليقات:
إرسال تعليق